Vawiin chawhnu khan Lunglei DC Pi Lalzarmawii, IAS hovin District Level Review meeting on World Bank Roads chu DC's Conference Hall Lunglei ah neih a ni.
DC chuan meeting neih chhan sawiin Mizoram chu International Border-a awm a nih avangin World Bank kawng laih chu sawrkarin a ngai pawimawh em em a ni, a ti a. Heng kawng te hi security chungchangah an pawimawh bakah inkalpawhna kawng tha tak chuan khua leh mipuite hmasawnna leh changkanna a thlen chho dawn a ni, a ti bawk. Heng an hnathawh te hi a nih dan tur ngeiin kalpui anih theih nan mipui, khawtlang hruaitu VC-te leh tlawmngai pawl hrang hrang ten sawrkar an vil pui ve a tul a ni tiin hemi kawngah hian thawhho puiah DC chuan a sawm a.
Er. Lalchhandama EE (END) PWD in report pe in Chhumkhum to Chawngte kawng chu 2 lane NH Standard in state of Mizoram, 41.53 kilometres niin 242.21 crores a siam tur a ni, a ti a. He hna thawk tura thlan JKM Infra Project Ltd, Noida UP te chuan kawng siam hna hi December 10, 2014 ah thawk tanin December 9, 2018 a zawh tura tih an ni. Tun dinhmuna an thawh tawh chin chu Physical 34%, Financial 25.44% a ni, a ti bawk.
Tlabung to Kawrpuichhuah 2 lane NH standard in the state of Mizoram chu 11.850 kms a thui niin 77.87 crores a siam tur a ni a. acbi Infrasturture Ltd ten he hna hi thawkin September 16, 2016 atanga hna thawk tanin, ni March 15, 2019 a zawh tura tih a ni. Tun dinhmuna an thawh tawh chin chu Physical 22% niin Financial 15.72% a ni.
Heng kawng pahnih laih mek chungchangah hian kawngin a paltlang khua a VC leh YMA hruaitute pawh kokhawmin Environment chungchang te, leimin chungchang leh leivung paih dan chungchang bakah leilung leh ramngaw leh nungcha te humhalh leh ti chereu lo zawnga hmalak dan tur te pawh an sawipui thin bakah mipui hriselna in a tuar thei em tihte thleng an ngaihtuah thin thu leh mipui hriselna in a tawrh loh theih dan ang ber tura hmalak leh hnathawh chu an tum ber anih thu PWD hotute chuan an sawi bawk.
VC leh YMA hruaitute pawhin kawnglaih avanga harsatna an tawh thin dante Meeting ah hian an sawi lang ve bawk.
He Meeting-ah hian Pu John Tanpuia Addl DC., Lalengzauva Sr. SDO, Tlabung leh Lalrinawma AE Chhumkhum to Chawngte Road viltu leh Forest & Environment Deptt hotute bakah SDO(C) Tlabung aiawh te an tel bawk.
Attachment
- Loading attachment...
