Vawiin khan Mamit Bazar Veng, Bazar Shed-ah PHE Department Mamit WATSAN DIVISION bultumin Open Defecation Free (ODF) Week, 71st Independence Day denchhena buatsaih chu Pi Lalbiaksangi, District Bawrhsap chuan khuallian niin a hawng.

Khuallian chuan Mamit District chhunga chhungkaw tinte faina kawnga hmasawn zel a tul thu sawiin kan lo hrisela kan damrei theihna tur chuan faina hi thil pawimawh hmasa ber a ni a ti. Kan sorkar laipui pawhin faina kawnga hma kan sawn theihna tur leh hma kan lakna turin tih tur hrang hrang min rawn chhawpchhuahsak mek zel a, heng hmalakna hrang hrangte hi mipuite pawhin theihtawpa kan tawiawm a ngai a ni tiin Ek-In thianghlim nei theuh turin leh hemi kawnga thawktu Department-te hmalakna chu theihtawp chhuaha tawiawm zel turin kalkhawmte a chah.

ODF Week pual hian Slogan Writing Competition Gov’t Mamit College leh Gov’t Higher Secondary School te’n inelna an lo neih tawh chu Result puanna leh lawmman semna neih nghal a ni a. Pi Lalzikpuii SDC Mamit-in lawmman semna neiin heng mite hi lawmman dawngtute an ni.

1) Lalthankungi Ralte, Gov’t Mamit College

2) Lalremkimi, Class-XII, Gov’t Higher Secondary School, Mamit

3) C.T Lalmalsawma, Gov’t Mamit College te an ni.

ODF Week hawnna hi Er.Lalzawmliana, Sr.Executive Engineer, PHED, Mamit-in kaihruaiin Sub-Headquarters YMA leh Mamit Town Joint V.C hnen atangin faina leh thianghlimna kawnga hmasawn zelna tur thu tha tak tak ngaihthlak a ni bakah Pu H.Lianzela Addl.DC Mamit District kaihhruainain Faina thutiam (Pledge) chhiar rual a ni bawk.

Er.Lalzuala, Sub-Divisional Officer, PHED in kalkhawmte hnenah lawmthu sawina a nei a ni.