No.1438/2020-2021

Nimin khan Lena Stadium Management Committee chu an Chairman Lunglei DC  Pu V.Lalsangliana hovin a office chamber-ah an thukhawm a, Lena Stadium hman dan tur leh inkaihhruaina an sawiho.

Management Committee chuan Lena Stadium hman dan tur chu hetiang hian a rel a ni.

1.       Lena Stadium hmang tur reng rengte chuan allotment, Management Committee Member Secretary/District Sport & Youth Officer, Lunglei hnen atanga lak tur a ni.

2.       Serkawn Village Council leh YMA ten Sports thil ah an hmang duh a nih chuan, Allotment lain a thlawnin mual an hmang thei ang.

3.       Athletics leh Football Association ten Tournament an buatsaih nan ni khat (1 day) ah Rs 200 (Cheng zahnih) in an hmang thei ang.

4.       Athletics leh Football Association hnuaia Affiliated Club tan Darkar khat (1 hour) ah Rs 100/- (Cheng za) in an hmang thei ang.

5.       Athletics leh Football Association hnuaia Affiliated Club nilo te tan Mual leh Running Track hmang tur ten darkar khat ( 1 Hour)- ah Rs 200/- (Cheng za hnih)  in an hmang thei ang.

6.       Pawl hrang hrang ten Mual/Running Track an hmang duh a nih chuan, Ni khat ( 1 Day) – ah Rs 3000/- ( Cheng sangthum) in an hmang thei ang.

7.       Zan lama (Floodlight) hmang duh tan darkar khat (1 Hour) – ah Rs. 1500/- (Cheng sangkhat zanga) in an hmang thei ang.

8.       Lena Stadium hi, Video Shooting na atan hmang duh an awm chuan, darkar khat (1 Hour) ah Rs 500/- ( Cheng zanga) in an hmang thei ang.

9.       Sport Events nilo Public Entertainment atan hman phal a ni lo.

10.   Stadium hmang tur ten Security Deposit Rs 1000/- ( cheng sangkhat ) Allotment an lak rualin an dah tur a ni. Stadium hmang tuten an hman chhunga Property tihchhiat an neih chuan , a Repair-na tur an chawi ang.

11.   Lena Stadium hmang tur reng reng ten Stadium chhung-ah ran hruai luh phal a ni lo.

12.   Lena Stadium hmang tur reng reng ten an hman zawh ah fai takin an kalsan thin tur a ni. Tin mual chhung ah chewing Gum thial hnu paih phal a nilo a, zawm lo an awm a nih chuan Lena Stadium hman nawn phalsak an ni tawh lovang.

Lena Stadium Management Committee chuan Mizoram sawrkar in a duh angina Sport & Youth services Football Academy, Lunglei ami chu Lena Stadium, Melte ah in swn chho nghal turin a rel a ni.

Mizoram sawrkar in Sport Industry alo puan tawh angin Lena Stadium pawh hi Lunglei mipui ten tangkai zawka anlo hman theih nan Management Committee chuan Sport & Youth Services Department kaltlangin Free Coaching Football ah Under – 14 tan a ranglama nei nghal turin a ngen nghal bawk a ni.

Lena Stadium Management Committee member ruat belh tur anih angina heng mite hi lungrual taka ruat belh an ni.

1.       The Chairman, Lunglei District Sports Committee, Lunglei District Lunglei

2.       President, Lunglei District Athletics Association.

3.       President, Lunglei District Football Association.