No.1437/2020-2021

Mizoram Sawrkar Home Department chuan thlawhna hmanga Mizorama lo lut turte zawm tur inkaihhruaina May ni 22, 2020-a a lo chhuah tawh chu a hnuai a mi ang hian a tidanglam.

Inkaihhruaina hmasa point no.1 “An awm mekna hmuna Mizoram Sawrkar aiawh Government of Mizoram (Resident Commissioner, New Delhi/Jt. Resident Commissioner, Kolkata/ Dy Resident Commissioner, Guwahati/Shillong/Silchar) te hnenah an flight leh ticket chungchang kimchang takin an hriattir tur a ni. State/khawpuia Mizoram Sawrkar aiawh (Mizoram House) awm lohnaah chuan an hnaih ber Mizo Welfare Association te hnenah an inhriattir tur a ni. Annexure 1 a proforma thil tel ang hian an chanchin chiang takin an thehlut tur a ni. Mi tu pawh thu diklo thehlut emaw, zep emaw an awm a nih chuan hrem theih an ni ang” tih hi a hnuai a mi ang hian tihdanglam a ni

“Lengpui Airport a tum tur passenger zawng zawngte chuan an chanchin kimchang leh flight details chu mcovid19.mizoram.gov.in ah emaw mCOVID-19 mobile app kaltlangin ‘mPASS: FLIGHT’ ah an in register tur a ni. Mizoram House leh Mizo Welfare Association te hnena in report tawh te chuan in register nawn a ngai tawh lovang. Dilna thehlutte mobile number-ah remtihna (approval) thawn a ni ang a, phalna (permission) chu mobile app atangin an download tur a ni ang”

He order thar ang hian inkaihhruaina hmasaa point no.3 “Passenger zawng zawng list kimchang chu Chairman, Task Group on Migrant Workers & Stranded Travellers hnenah thawn a ni ang a. Ani hian flight lo thleng tur apiang list kim chang siamin passenger-te thlen chin tur District tarlang telin Home Department pawmpui turin thlawhna thlawh chhuah ni (date of departure) thlen hma ni khatah, tlai dar 2 ral hmain a thehlut thin ang” chu zawm a tul tawh lovang.

Inkaihhruaina hmasaa point no.5 chu hetiang hian sawifiah a ni :- Red zone atanga lo lutte RT-PCR test leh sample lak chungchangah Health & Family Department thuneituten kaihhruaina an duan chu zawm tur a ni ang.

Inkaihhruaina hmasaa point no.7 chu hetiang hian sawifiah a ni :- Deputy Commissioner/ Chairperson, District Level Task Force ten Home Quarantine an lo phalsak tawhte chu Lengpui Airport atanga mahni in panna tur lirthei anmahniin an inngaihtuah chawp tur a ni. District dang DC ten an mi leh sa lam leh thlah kawngah harsatna an nei a nih chuan Aizawl DC-in a ruahmanna a siamsak theih nan hma takin an hriattir lawk tur a ni.