Vawiin khan Lunglei D.C. Pu Ashish Madhaorao More hovin DC’s Conference Hall-ah kumin Republic Day vawi 66-na hman dan tur relho a ni a; he meeting-ah hian Lunglei Addl D.C. Pu Rothuama, Lunglei S.P. Pu Zosangliana bakah sorkar department hrang hrang, Armed Forces, Lunglei District Sports Council leh zirna in aiawhte an tel kim hle a ni.

Lunglei-ah Republic Day 2015 lawmna pui ber chu Thuamluaia Mual-ah dar 10:00 AM-ah neih tur a ni ang a, chawhnu dar 1:00-ah sawm bikte tan thingpui inhona ‘At Home’ buatsaih a ni bawk ang. Hemi Ni hian Lunglei D.C. chu Khuallian a ni ang a, Republic Day Ceremonial Parade Contingent-te salute chhangin Republic Day Thuchah a sawi dawn a ni. Kum danga tih thin ang bawkin zing ni chhuah atangin tlai ni tlak thlengin sorkar office zawng zawngte chuan hnampuanzar an pawtpharh tur a ni a. Sakhaw hrang hrang biak inah he Ni puala tawngtaina neih tur a ni bawk.

Republic Day 2015 Parade Contingent-te tan January ni 19-22, 2015 chhungin Thuamluaia Mual-ah practice neih tur a ni a, Final Rehearsal chu January ni 23-ah neih a ni ang.