105/2022-2023

Lunglei DC Pu Kulothungan A chuan April ni 7 leh ni 8 ah khan Bunghmun Block tlawhin Department thawktute leh khlawtlang hruaitute nen inkawmhona hun an nei a, khawtlang hmasawnna tura hmachhawpte leh hmalak dan turte a sawipui a ni.

Lunglei SDC Pu Lalsanglura, Bunghmun BDO Pu Denny Lalchhuanmawia ten an tawiawm a ni.

Lunglei DC Pu Kulothungan A chuan Bunghmun chhunga school-te, Primary Health centre (PHC), Police Station, BDO Office, PWD Office te a tlawh a. Department hnathawkte chu an inrelbawl dan leh inkaihhruaina bakah hmasawn zel tura an mamawhte a sawipui a. Helai hmuna thawktute hian an harsatna leh mamawhte lo thlenin, a tul anga hmalak sak a tum thu DC hian a sawi.  Bunghmun khua a tlawmngai pawl hrang hrang te nen inkawmhona hun an hmang bawk a ni.

Lunglei DC Pu Kulothungan A chuan hmasawnna rualkhai mitinte thleng pha siam a duh thu sawiin hemi tur hian Lunglei District bik tana Scheme ‘Go To The People’ kalpui anih thu a sawi a. He Scheme in a tum ber chu District mipui, a bik takin thingtlang khaw kilkhawr zawka cheng te tan Department te kaltlangin an khua ah ngei an mamawhte chhawpchhuah sak a ni, a ti a. District leh a chhunga cheng mipuite dinhmun ti hmasawn tura District Level Committee hrang hrangah Chairman anih angin khaw mite mamawh leh thatpui tur thilte sawipui tura tlawh anih thu a sawi a ni.