Vawiin chawhma khan Prisoners' Welfare Committee, District Jail, Lunglei buatsaih Thalfavang Kut 2019 chu Pi K. Lalrinzuali, Deputy Commissioner, Lunglei in a hmanpui. He hunah hian Lunglei Additional DC Pu David Liansanglura Pachuau, SDC Pu Lalthakima Chhangte te bakah sawm bik mi engemawzat an tel a ni. 

Pi K. Lalrinzuali chuan Prisoners' Welfare Committee ten hun hlimawm tak a buatsaih thei chu lawmawm tih thu sawiin, Jail chu in hremna hmun ah ngai lovin insiamthatna hmun leh Pathian hnaihna hmun atan hmang theuh turin jail tangte chu a fuih a ni.

Tin, jail tangte tana intihhlimna tur - table Tennis Board leh Bat set 1, draft Board pahnih, chess Board pahnih, carrom Board pakhat, Volley Ball leh Volley Ball Net pakhat a hlan a ni.

Lunglei khaw chhunga zaithiamte nen hun hlimawm tak hman a ni a, he kut lawmna hi chawhlui ruai kilin a chhunzawm a ni.

Attachment

  • Loading attachment...