Vawiin khan Lunglei Bawrhsap Pi K. Lalrinzuali chuan Tripura Relief Camp atanga Bru chhungkuate Lunglei District huam chhunga anlo letna tur khaw pali zing ami pakhat Chawilung South tlawhin inpuahchahnate a hmunah kalin a enfiah. Lunglei SDO(S) Pu Lalnundika leh Lunglei DC office staff dangten an tawiawm a ni. 

Lunglei DC hi Chawilung South khawtlang hruaituten lo hmuakin inkawmhona hun tha tak an hmang a. Tripura relief camp atanga Bru chhungkuate hruai kir turin ruahmanna fel tak a awm thu leh hmalakna chak taka a kal mek thu kalkhawmte a hrilh a. Chawilung South-a temporary shelter leh house site plan ruahmanna te tha a tih thu sawiin boruak ralmuang tak hnuaia 'repatriation' hi kalpui anih theih nan khawtlang hruaitute leh mipuite tawiawmna a ngen a ni. 

Chawilung South VCP pawhin thusawina hun te hmangin Lunglei Bawrhsapin an khua a tlawh chu lawmawm a tih thu te sawiin, repatriation tluang taka a kal theihnan an theihtawp chhuah an tum thu a tarlang. Bawrhsap hnenah hian Chawilung South khawtlangin an thil mamawh hrang hrang te a thlen bawk a ni.