Director, Urban Development & Poverty Alleviation Department chuan PMAY (Urban) kalpui dan a hnuai ami ang hian thuchhuah a siam ani.
Pradhan Mantri Awas Yojana Housing for All (Urban) Mission hi 2015 atanga 2022 chhunga kalpui tura ruahman ani a. He Mission hnuaiah hian Mizoramah vertical pahnih - Beneficiary-led Construction Scheme (BLC) leh Credit Linked Subsidy Scheme (CLSS) te kalpui mek ani.
Mission guideline in a sawi ang in, Beneficiary-led Construction Scheme (BLC) hnuaiah hian insak tanpuina Rs. 1,50,000/- ruahman theih a ni a, Demand Survey Application hmangin Eligible beneficiaries te tan kum 2015, 2016 & 2017 khan insak tanpuina dilna hun hi hawn a ni. Heng Demand Survey application lo lut te hi Department Staff-ten LC/VC leh NGO’s te phungbawmah sawmin Door-to-door Verification neih leh vek ani a. Door-to-door verification report hi District Screening Committee (DSC)-ah pharhin DSC-in BLC Scheme hnuai a tana Eligible beneficiaries a pawm zat beneficiaries 17,670 hmangin khaw 23 tan BLC Detailed Project Report (DPR) siam a ni a, heng DPR 23 te hi Central Ministry in min pawmsak (Approved) vek tawh a ni. Project cost atanga Central Share 1st Instalment Rs. 9,399.60 lakhs pawh Ministry atangin State Sawrkarin a dawng tawh bawk.
Heng DPR 23 bak ah hian State Sawrkar chuan Demand survey kalpui leh in District Headquarter pariat tan eligible lo cover loh a awm te avangin 2nd DPR siam leh a ni a, hei hi beneficiaries 11,691 tan ani. Heng DPR 8 te hi ‘In-principle’ in Central Ministry in a pawm tawh ani. Heng DPR 8 ah te hian Central Share pawisa dawn a nih theih nan hmalak mek a ni.
State Govermnent in uluk taka a ngaihtuah hnu in DPR 1 atana 1st instalment pawisa Ministry atanga kan dawn hmang hian Benficiaries zawng zawngte hnenah Rs.60000/- a sem nghal vek lo in, Beneficiaries ten in an sak zawh thuai theih nan leh fund pek chhuah kawngah harsatna a awm loh nan Aizawl atan mi 345 leh Lawngtlai atan mi 200 hnenah tanpuina hi Rs. 1.5 lakh a an dawn theih nan pekchhuah nise tiin thutlukna a siam a, hemi ang hian Khawpui dangah pawh BLC scheme hi kalpuichhoh ani.
Eligible beneficiaries DPR a dah te hi MIS ah an data thun luh vek a ni a, MIS a data thunluh theih ho zawng chu DPR ah MIS ah vek hian attached an ni a. Heng Attached Eligible Beneficiaries-te hian ram an nei ngei a ni tih hriat nan an insakna tur ram Geo-tag hmasak leh vek phawt a ni a.
1st Instalment dawng hmasa tur Beneficiaries te hi Mission Sensitization Programme hmanpui an nih hnu ah Grant-in-aid letter pekchhuah anni a, intiamkamna leh LC/VC te hriatpuina rawn thehluh leh hmasa apiang hnenah insak tanpuina tur 1st Installment Rs. 60,000/- Benficiaries te Bank account ah thunsak an ni. Insak bul an tan a, ban an phunlai (foundation stage) leh In bang an pin lai (Lintel stage) hi geo-tag hmang a thlalak sak leh an ni a, Lintel stage thleng sa zo tawh te hi 2nd Installment Rs. 60,000/- pek chhuah leh an ni. Chumi hnuah chuan Roof stage leh Completion stage geo-tag leh a ni a, Completion thlalak hnu hian Electric & water connection leh Septic tank te a awm leh awm loh Department atang a check leh vek a ni a, hemi hnu hian 3rd Installment Rs. 30,000/- chu pek chhuah leh a PMAY(U) Awards 2019 Central Ministry sawrkarin he Mission hnuaia In sa tha te hnenah pek a tum a, chumi atan chuan State-tin in Nomination thehlut tura tih an ni. Mizoram pawhin PMAY Award 2019 atan hian nomination a thehlut fel tawh nghe nghe a ni. MIS Portal a khawpui tina BLC DPR-a beneficiaries attached felfai tawh te hnenah Central Ministry lam hian IEC campaign na hmanrua chikhat atan he PMAY(U) Awards 2019 a tel tur a sawmna lehkha hi Post kaltlang in a thawnchhuak a, Hetah hian in sa zo tawhte, in sak hna tan mekte, in sak la tan lo hrim hrim te pawh MIS portal a DPR a attached fel fai tawhte chuan an dawng deuh vek a ni. Mizoram bik ah State Government in Scheme kalpui dan tur tha zawka a hriat avangin installment kim pek theih dan a ruahman avanga 1st Installment dawng tura ngaih la dawng lo te an awm a, tin, Finance lama pawisa tang la awm avang te in 1st Installment la pekchhuah loh an awm bawk ani.
PMAY(U) Award 2019 letter bak ah hian Beneficiaries te hnenah insak tanpuina chungchang tho hi ‘SMS’ Central Ministry lam atangin thawn chhuah ani bawk a. He SMS pawh hi Beneficiaries te zingah phone number neilo ten LC/VC member te emaw, chhungte leh thian thate number lo pe lut tawk an awm avangin Beneficiaries ni lo te pawhin SMS hi dawng an awm phah bawk a ni. Heng Mobile number nei lo, dik lo, leh number thehluh tawh thi tawh emaw tibo tawhte chuan UD&PA Office ah an mobile number hman lai diktak thehlutin MIS portal a update thar vek tur a ni.
Kolasib lama Housing for All hnuaiah dawng tur dawng kim lo anga thu chhuah Zingtian Daily News Paper-ah a awm a. Kolasib khawpui tan DPR 2 siam ani a. 1st DPR (viz. Kolasib04) ah hian Beneficiary 890 awmin, chumi zinga Beneficiary 858 (hei hi PMAY-MIS Portal a document/data fel fai chin) tan 1st Installment Rs. 514.80 lakhs hmuh tawh a ni a. He sum dawn tawh atanga sum hmuh hmasak Rs. 467.40 lakhs chu mi 311 hnenah pek chhuah tawh ani a. Rs. 47.40 lakhs pawh Kolasib DUDO kaltlanga Beneficiary te hnena thlen thuai theih nan tihfel a ni tawh bawk. 2nd DPR (viz. Kolasib27) ah hian Beneficiary 929 an awm dawn a. Ministry atangin 2nd DPR atan hian sum hmuh ala awm lova. Heta Beneficiary turte tan hian document/data te lak khawm ani a. PMAY-MIS Portal a upload fel anih hnuah sum hmuh ve thuai beisei ani. Zingtian Daily News Paper a lo lang hi 1st DPR leh 2nd DPR hriat pawlh vang niin a lang a, 2nd DPR Beneficiary size atanga 1st DPR Beneficiary sum hmuh tawh an sawi pawlh avangin hriat sual palh ani.
Housing For All (Urban) hi UD&PA Department in mipui tana tangkai thei ang ber turin theihtawpin hma kan la mek a. Dik lo leh tihsual palh kan nei a nih chuan mipuiten min hriattir vat zel kan beisei a ni. Tun thlenga kan kalna ah hian langtlang thei ang berin kal a ni a. He scheme kalpui dan kim leh information eng pawh en theih turin Directorate of UD&PA ah a awm ani.
