Lunglei Deputy Commissioner thar Pu Abhijit Vijay Chaudhuri, IAS chuan vawiin khan a hna a zawm a; vawiin chawhma khan Lunglei DC Office chhunga officers leh staff te ama pisaah kokhawmin inhmelhriatna hun leh thawhhona tha an neih chho zel theihna turin fuihna thu a sawi.

Pu Abhijit Vijay Chaudhuri hi IAS (AGMUT Cadre) 2012 batch a ni a. Kum 2012-2014 chhung khan LBSNAA, Mussourie-ah training zovin North Delhi District-ah probation a zo a. October 2014 atangin January 2016 chhung khan SDO(C), N. Vanlaiphai post a chelh hnuah Lunglei DC hna hi a rawn zawm a ni.

Pu Abhijit Vijay Chaudhuri hi Bhusawal, Jalgaon District, Mahrashtra-a pianga seilian a ni a, zirna lamah chuan B.A.M.S.(Ayush) a nih bakah B.A.(Sanskrit) Degree ni bawk a. A nupui Dr. Jagruti Abhijit Chaudhuri hi M.B.B.S. niin tunah hian Ph.D. ti tum mek a ni a, fa erawh an la nei lo.

Attachment

  • Loading attachment...