PwD Commissioner rawihnawnna hnuhkir chungchangah Social Welfare Department Secretary chuan a hnuai ami ang hian thuchhuah a siam :
The Persons with Disabilities ( Equal Opportunities, Protection of Rights and Full Participation) Act, 1995 hi Parliament-a pass a nih hnuin 1st January, 1996 khan President-in a pawmpui hnuah Notification siamin Central Sorkarin a chhuah a. He dan kengkawhtu Ministry chu Ministry of Social Justice & Empowerment a ni. A subject hi Ministry of Home Affairs chan chhung a mi a ni lo.
Pi B.Sairengpuii, Commissioner for Persons with Disabilities atanga chawlhtir a nih chungchangah hian Central Sorkara Home Ministry-in thu leh hla engmah an nei lo a; a hnuaia Department a nih loh avangin a neihna chhan tur pawh a awm lo a ni.
The Persons with Disabilities ( Equal Opportunities, Protection of Rights and Full Participation) Act, 1995 kengkawhtu, Ministry of Social Justice & Empowerment, Government of India pawhin engmah thu leh hla an rawn nei lo bawk.
Thil awmdan boruak ngun taka thlir chungin Pi B.Sairengpuii, Commissioner for Persons with Disabilities atana kum hnih chhung rawih nawnna chu Mizoram Sorkar-in hnuhkirna Order a chhuah ta a ni.
