Vawiin khan Aijal Club ah Workshop on Promotion of North East BPO Scheme neih a ni a, Software Technology Park of India (STPI) leh Information & Communication Technology Department ten an buatsaih a ni.

He workshop atan hian Pu Rajiv Kumar, Jt. Secretary, Department of IT, Govt of India te, Dr. Omkar Rai, Director General, STPI te bakah officials engemawzat an lo kal a, Pu Lalhmachhuana, Secretary ICT Department leh Pu Lalthlamuana, Chief Informatics Officer, ICT Department ten he workshop hi a hmanpui.

He workshop hian a tum ber chu North East State te tana BPO leh IT/ITES sector lama hmasawnna ngaihtuah a ni a, North East BPO Scheme thatna leh incentive hrang hrang in hrilhhriatna neih a ni. Heng lam a tui mi Entrepreneurs leh Students engemawzat an tel a, an harsatna tawh hrang hrang leh hmasawnna turte sawiho a ni.

Attachment

  • Loading attachment...