Deputy Commissioner, Lunglei District, Lunglei chuan kum tinin Lunglei District huamchhungah Lo/Leipui/Huan atana vah hal atangte, kangvara chachheh leh kanghreng fimkhur lo taka hal atangte leh ramhnuai leh lui kam vela fimkhur lo taka mei chhem atang te kangmei chhuakin, ram tih kan thin a nih avangin, February ni 11, 2016 khan a hnuaia mi ang hian ram kang thin a awm tawh lohna turin Thupek a chhuah a ni :
1. Mi tumahin Lo / Leipui / Huan vahte ni 15.3.2016 hnu lamah an hal tur a ni lo.
2. Mi tumahin Lo / Leipui / Huan an vahte meilam tha taka sial hmasa lo chuan hal tur a ni lo.
3. Mi tumahin Kangvara Chachheh leh Kanghreng avangin ram an tikang tur a ni lo.
4. Mi tumahin ramhnuai leh lui kamahte ram tikang thei turin mei an chhem tur a ni lo.
He thupek hi a hma lama tih tawp a nih loh chuan a chhuah atanga thla hnih chhung a huam ang a. He thupek bawhchhia chu Section 188 IPC hmanga hrem theih an ni.
