Centre for Cultural Resources and Training (CCRT), New Delhi chuan ni 16-20 February, 2016 chhung hian Training on “Introducing Cultural Inputs in Curriculum Teaching” tih chu Primary, Middle leh High school zirtirtute tan SCERT Auditorium, Aizawlah , a buatsaih.

A hawnna inkhawm hi SCERT Director, Pi Malsawmthangi’n kaihruaiin, Pu K. Lalthawmmawia, IAS, Director, School Education-in a hmanpuia. Pu K. Lalthawmmawia chuan zirtirtute chu rilru inhawng taka zirtirnate dawngsawnga anmahni school theuha tangkai taka hmang theuh turin a chah a. Pi Laldawngliani Chawngthu, State Nodal Officer leh Joint Director, SCERT chuan lawmthu sawinain hun a khar.

He training-ah hian Mizoram chhunga district hrang hrang atangin zirtirtu 63 an kal khawm a ni.