1480/2023-2024

Lunglei the 14th, August' 2023: Vawiin khan Deputy Commissioner Office , Lunglei in an Office tualzawlah "Meri Maati Mera Desh" campaign kalpui tan na hun an hmang. He hun hi Pi Ramdinliani, IAS, Deputy Commissioner hova hman niin; ram tana inpekna tithar leh tura thutiam 'Panch Pran Pledge" sawirualna, Zalenna sualtute chawimawina hun, National Flag pawtpharh leh National Anthem sakna hun hman a ni.

"Meri Maati Mera Desh" campaign kalpui tanna hun hi Pi Lalhlimpuii Ralte SDO (Sadar) chuan kaihruaiin; Pi Ramdinliani chuan India ramin zalenna a hmuh kum 75-na lawmna 'Azadi Ka Amrit Mahotsav" hmalakna hrang hrang kalpui mekah a hmawrbawkna hun "Meri Maati Mera Desh" campaign chu Lunglei District chhungah ni 9.8.2023 atang khan Lunglei Town chhungah leh Block chhungah urhsun taka lo kalpui tan tawh a ni. He campaign hian India ram hmun hrang hrang a India khua leh tui te inpumkhatna tura hmalakna leh ram tana nunna hlantute chawimawina hun buatsaih a ni a, martar te puala lungphum , "Shilaphalakam" te, ram tana inpekna tithar leh tura thutiam'Panch Pran Pledge" lak te, khawtinah thingtiak 75 phun te leh khawtin atanga lei lak khawm hmanga Karavya Path hmun a Martar te huan "Amrit Vatika' siam te a keng tel a ni. He campaign hian August ni 9 atanga ni 30 chhung a awh dawn a ni a ti.

Vawiin hun hmanah hian Lunglei District atanga zalenna sualtu  Pu Darthawma, Chanmari leh ram tana nunna hlantu Subedar Lalruala, Lushai, Serkawn te hnenah chawimawina hlan a ni a, chawimawina hi Pu Darthawma leh Subedar Lalruala, Lushai   chhungte hnenah hlan a ni a. Rifleman Sapchhawna Lushai, Tawipui Grouping Centre, Rifleman LK. Chakma, Tiperaghat leh Sepoy F. Lalawmpuia, Thingfal te chu anmahni awmna Block kaltlangin chawimawina hlan an ni ang.