3639/2024-2025

2024 Pawltlak thla ni 20: December ni 19, 2024 khan Lunglei District Bawrhsap & District Level Committee on Disability Chairman Pi Navneet Mann chuan Lunglei District-a rualbanlo (person with disability - PwD)-te zir chianna (survey) kalpui tur chungchangah thupek leh hriattirna a chhuah.

He thupeka tar lan a nih danin, District Level Committee on Disability, Lunglei District chuan Lunglei District-ah PwD eng emaw zat chu UDID (Unique Disability ID) nei lo an awm tih hriain, anmahni huam chhung ṭheuhva PwD-te dinhmun zir chianna, 'Survey on PwD' kalpui turin Local/Village Level Committee din ni se, a ti a. The Rights of Persons with Disabilities Act, 2016 hnuaiah PwD-te'n an tana hamṭhatna leh ruahmanna hrang hrang an hmuh theih nan an dinhmun leh nihna hriat chian a ṭul a. Chu vang chuan survey hi neih tura ruahman niin, survey report beh chhan hian cluster-based assessment camp buatsaih leh tum a ni.

PwD survey atan hian a hnuaia mite hi Block Level Nodal Officer atan ruat an ni:

1. Lunglei Block (LMC pawn lam) - Pu Lalremruata Sailo, BDO Lunglei (Ph: 9383066070)

2. Bunghmun Block - Dr Lalramdintluanga, BDO Bunghmun (Ph: 8415066471)

3. Lungsen Block - Pu Lalhruailiana Zote, BDO Lungsen (Ph: 8974196381)

4. Tlabung Block - Pu Moses Lalfakawma Tlau, BDO Tlabung (Ph: 8259051055)

Lunglei Municipal Council (LMC) area chhung atana Nodal officer tur chu: Pu CL Joseph, District Social Welfare & Tribal Affairs Officer, Lunglei (Ph: 9862303171)

Nodal Officer-te hian Local/Village Level Committee for Survey on PwD-te nen an huam chhungah survey hi kalpuiin, final survey report chu February ni 5, 2025 ral hmain Lunglei DC hnenah an theh lut ang.

Local Level Committee for Survey on PwDs (LMC area)/Village Level Committee for Survey on PwDs chu khaw tinah a hnuaia mi ang hian din tur a ni:

Chairman: Chairman/President, Local/Village Council

Vice Chairman: Vice Chairman/Vice President, Local/Village Council

Secretary: Secretary, Local/Village Council

Member-te:

(i) LC/VC member zawng zawng (ex-officio member angin)

(ii) YMA/YCA ai awh

(iii) MHIP ai awh

(iv) Angwanwadi worker/ASHA

(v) MzSRLM hnuaia SHG ai awh (thingtlang lam tan)

(vi) Bialtu BLO

Local/Village Level Committee for Survey on PwD-te mawhphurhna chu:

(i) An huam chhungah uluk taka PwD zir chianna (survey) kalpui.

(ii) Kimchang taka survey form dah khah. Disability type chungchangah chiang lo a awm chuan, wellness officer-te emaw, health worker-te emaw, ASHA-te emaw rawn tur a ni ang.

(iii) Survey data lak khawm zawhah Local/Village Level Committee meeting-ah thlir ho tur a ni a. Survey form-ah PwD tu mah hmaih an nih loh nan committee chuan hma a la ang.

(iv) Survey-ah khua/veng hmaih an awm loh nan, khua/vengah PwD an awm loh pawhin 'nil report' tal theh luh tur a ni.

(v) Committee chuan an Survey Report chu bialtu BDO hnenah January ni 31, 2025 ral hmain an theh lut tur a ni.