3640/2024-2025

2024 Pawltlak thla ni 21: Tukin khan Lunglei Sobji Bazar kawng dunga lirthei kalna leh mipui kea kalte dipdal zawnga thil zuar inpho an awm leh awm loh endikin Deputy Commissioner ai awh, Superintendent of Police ai awh, Market Checker leh Chanmari Local Council te'n joint inspection an kalpui.

Lunglei District SP thupek angin, Lungleia SP Office peng-Super Market-Agriculture Complex kawng dung chu ni 19.12.2024 - 31.12.2024 chhung (6:00AM - 6:00PM) Krismas Bazar-a siam remtih niin, ni 20.12.2024 - 31.12.2024 chhung (ni 22, 25, 26, 29 tiam lovin) lirthei tlan theih lohna, 'No Vehicle Zone'-a puan a ni a. Hetih rual hian rikrum thila lirthei tlanna zuah awl a ṭul avangin bazar in sak emaw, kawng tawn tawna inpho emaw a rem lo va. Tukin joint inspection-ah hian Krismas bazar-a thil zuar inphote'n he thupek hi an zawm leh zawm loh leh mipui bazar kea kalte tana harsatna siam khawpa kawng tichepa inpho an awm leh awm loh endik niin, mipuite thawl zawk leh him zawka an veivah theih nan a chep laia inpho ṭhenkhat chu insiam remtir an ni.