Vawiin chawhma khan Lunglei District Level Committee on Afforestation and Conservation of Wildlife chu DC Conference Hall Lunglei ah Chairman Pi Lalzarmawii, IAS Deputy Commissioner Lunglei hovin an thukhawm.

He thutkhawm hi Mizoram Environment and Forest Consultative Forum, general Hqrs, Aizawl atangin hruaitu pathum(3) President Pu V.Bela, Vice President Rev.Dr.Sangkhuma leh Financial Secretary Pu Lalhrima Sailo ten an telpui a, an ni hian Mizoram ramngaw leh a chhung a nungchate humhalh tura kum 2004 atanga MEFCOF hmalak dan te an sawi a. MEFCOF hmalakna pawimawh ber chu Zothei Huan din a ni, chuta an policy chu khawih chet loh policy a nih thu sawi in, member te pawh Mizoram sawrkar duhthusam ang ngei a khaw tin a Zo Thei Huan din a nih theih nan a hma la turin an sawm nghal a ni. Lunglei District hi Zo Thei Huan ah chuan hma la tha pawl an nih thu MEFCOF hruaitute chuan an sawi a, khaw 29 ah din a ni tawh a, khaw tin a din zel a nih theih nan tan la turin District Level Committee leh Sub Hqrs MEFCOF te an sawm a ni.

Tun dinhmun ah Mizoram ah Zo Thei Huan 105 din a ni tawh a, Mizoram sawrkar chuan kum 2015 khan MEFCOF hi NLUP Implementing Agency ah dah in Zo Thei Huan pawh khaw tin a din turin hmalak zel a ni.He thutkhawmna ah hian NLUP Line Department thenkhat, MEFCOF Sub Hqrs hruaitu, sawrkar official leh NGO's te an tel a ni.