2094/2022-2023
Lunglei the 28th September 2022 - Vawiin khan Lunglei District Level Socio-Economic Development Policy (SEDP) te chu Lunglei DC & Chairman, Lunglei District SEDP Committee Pu Kulothungan A kaihhruaiin Lunglei DC Conference Hall-ah an thukhawm. Meeting-ah hian Line Department 9-te SEDP hmalakna kal mek te leh hmachhawp hrang hrangte sawiho a ni.

Lunglei DC & Chairman, Lunglei District SEDP Committee Pu Kulothungan A chuan SEDP chu Mizoram Sawrkar Flagship Program pawimawh tak anih angin Line Department-te chu uluk leh fimkhur taka kalpui tur leh harsatna an neihte a hnena thlen thuai thin turin a chah a ni.

Line Department 9-te hi SEDP sem chhuak turin inpuahchah mekin October ni 10 hma a sem chhuah hna hi zo fel turin vawiin meeting chuan a rel a ni.

Lunglei District chhung (Assembly Constituency 6 ) khua leh veng tinah Village Level SEDP Committee awmin a zavaiin 124 an awm a, Family Oriented SEDP hnuai ah hian Line Department 9 awmin chhungkaw 9000 tan kum 2022-2023 Family Oriented SEDP chu a thawhkhatna Lunglei District tan kalpui a ni. Animal Husbandary & Veterinary hnuaiah chhungkua 4279 ( Rs 10,69,75,000/-cheng nuai sangkhat sawmruk pakua sing sarih leh sang nga ), Agriculture Department hnuaiah chhungkua 1155 (Rs 288,75,000/- cheng nuai zahnih sawmriat pariat sing sarih leh sangnga), Commerce & Industries Department hnuaiah chhungkua 1755 (Rs 438, 75, 000/-cheng nuai zali sawmthum pariat singsarih leh sangnga), Fisheries Department hnuaiah chhungkaw 194 (Rs 48, 50, 000/- cheng nuai sawmli pariat leh singnga), Horticulture Department hnuaiah chhungkua 500 (Rs 125, 00,000/- cheng nuai za sawmhnih panga), Land Resources, Soil & Water Consevation Department hnuaiah chhungkua 1059 (Rs 264, 75,000/- cheng nuai zahnih sawmruk pali sing sarih leh sang nga), Sericulture Department hnuaiah chhungkua 30 (Rs 7,50,000/- cheng nuai sarih leh sing nga), UD & PA Department hnuaiah chhungkua 25 (Rs 6,25,000/- cheng nuai ruk sing hnih leh sang nga) leh Tourism Department hnuaiah chhungkua 3 (Rs 75,000/- cheng sing sarih leh sang nga) te an ni.