4215/2024-2025

Lunglei, 2025 Ramtuk thla ni 12: Vawiin, February ni 12, 2025 (Nilaini)-a Lunglei District chhunga village council (VC) 85 leh local council (LC) 24-a inthlanpui buatsaihah tlai dar 4 thleng khan vote awm zawng zawng 92,669 aṭangin vote 63,431 (68.45%) a tla tawh.

Vawiina inthlan vote thlakna VC 85 leh LC 24-ah hian vote nei mi 92,669 (mipa 45,767 leh hmeichhia 46,902) an awm a. Tlai dar 4 thlengin vote 63,431 (mipa 30,285 leh hmeichhia 33,146) tlain, vote awm zawng zawng aṭangin 68.45% tla tawh ang a ni.

VC 85-ah hian voter 51,458 (mipa 26,404 leh hmeichhia 25,054) awmin, tlai dar 4 thlengin vote 37,464 (mipa 18,471 leh hmeichhia 18,993) a tla tawh a. Vote tla zawng zawng hi 72.81% a ni. 

LC 24-ah voter 41,211 (mipa 19,363 leh hmeichhia 21,848) awmin, tlai dar 4 thlengin vote 25,967 (mipa 11,814 leh hmeichhia 14,153) a tla tawh thung a. Vote tla zawng zawng hi 63.01% a ni.