Vawiin khan Lunglei District Anti-Tobacco Squad-te chuan an Chairman Lunglei DC Pu Abhijit Vijay Chaudhari hovin DC Office Complex leh a bul vel office hrang hrangah Mass Squad Drive an nei a. Hei hi hrilhlawkna nei lova tih a nih chungin office an tawh zawng zawngah meizu emaw mahni dawhkanah ashtray/meizukna hnuhma hmuh tur awm lova, mi man leh pawisa chawi tir an nei lo.

Anti-Tobacco Squad Chairman Pu Abhijit Chaudhari chuan office hrang hrang an tlawhnaah sorkar hnathawkte leh anmahni dawrtute pawh meizu lai hmuh tur awm lo chu a lawmawmin, COPTA Dan chungchangah Mizo mipuite pawh nasa takin an harhchhuak tawh a ni, a ti a. Hei hian Squad Drive hnathawh chakzia lantirin inthlahdah thei an ni lo tih member-te a hrilh bawk.

Chairman Pu Abhijit Chaudhari chuan vaihlo leh kaihhnawih chungchanga mipuite hrilhhriat kawngah meida pawimawhna sawiin, karleh Thawhlehni April ni 26-ah Lunglei chhunga chanchinthar lakhawmtute kawmin Press Meet neihpui a rawt bawk.