Vawiin chawhnu dar 1:00 khan Lunglei District Anti Tobacco Squad te chu an Chairman Lunglei Bawrhsap Pi Lalzarmawii, IAS leh Member-Secretary Dr SR Ngurchamliana hovin DC Office Complex leh a bul vel office hrang hrangah Squad Drive an nei.

Vawiin Squad Drive ah hian DC, DRDA, Sericulture, Law and Judicial, Excise and Narcotics, Land Revenue and Settlement leh Transport Department  Office-ah te District Anti-Tobacco Squad member-te thawk chhuakin Section 4 COTPA 2003 (Puipunna hmuna meizuk) zawm that anih leh nih loh enfiah a ni a. Office tlawh ah te hian meizu emaw mahni dawhkana ashtray/meizukna hnuhma hmuh tur a awm lova, mi man leh pawisa chawi tir an nei lo. Puipunna hmuna hriattirna (Signage) awmlohna hmunah te Signage tar nghal a ni bawk.

Pi Lalzarmawii chuan office hrang hrang a sawrkar hnathawkte leh anmahni dawrtu te meizu man tur an awmlo chu lawmawm a tih thu tarlangin COTPA Act 2003 Dan zawm chungchangah Mizoten hma kan sawn zel a ni, a ti a. District Anti Tobacco Squad member te chu thahnemngai taka hma la chhunzawm zel turin a chah bawk.