Vawiin khan Lunglei District Anti Tobacco Squad te chuan puipunna hmun hrang hrangah meizu an awm leh awm loh leh Zirna In in an zawm ngei ngei tur an zawm leh zawm loh enfiahna hun an nei. He hunah hian Zirna In leh puipunna hmun hrang hrang 14 an tlawh. He hunah hian phallohna hmun a meizu man an nei lo. Zirna in hrang hrangten an tar ngei ngei tur Zirna In atanga Feet 300 biala vaihlo hralh phalloh a nih thu tar erawh an awm mang lo a ni.

Vawiin vek hian Lunglei District Anti Tobacco Cell (Health & Family Welfare Department) pawh an Chairman Dr.VLMS Dawngliana, Chief Medical Officer hoin Vaihlo leh a kaihhnawih chungchanga Health Department department hmalak tawhna te thlirho pahin hmathar lakna tur sawiin meeting an nei bawk.