Vawiin khan Central Minister of Social Justice & Empowerment Shri. Thawarchand Gehlot hova Northeast Social Welfare Minister Conference Jawahar Nagar, Khanapara Guwahati a neih ah chuan Assam Chief Minister hovin Northeast State Social Welfare Minister te an kal tha hle a ni.

Mizoram atang pawhin Pu P.C. Lalthanliana hovin sokar official pawimawh te nen he hunah hian an tel ve a ni. Social Welfare Minister chuan thu sawiin Mizoram a he Ministry hnuaia hmalakna te leh harsatna kan tawh te chiang takin a tarlan a ni. Chung zingah chuan NGO ten rehab/de-addiction /aftercare etc. Home/ centre hranghrang an siam te a tangkaizia leh chung enkawl nana Central atanga fund hmuh thinte tunhnaia a hun taka hmuh a nih thin loh avanga buaina leh harsatna nasa tak a thlen thu te leh 2014-15 ah phei chuan engmah la dawn a nih loh thu a thlen in a theih anga ranga release turin a ngen nghal a a ni.

Minister chuan NGO ten hetiang ang Home din tharna tur project Central a thehluh te pawh a ranglama hma lak ni turin a sawi langin a ngen bawk a ni. UPA te tana tlukluhna tur in Old Age Home te pawh siam a niin hman tangkai a nih thu sawiin heng a awmsa te thuamthatna tur leh din belhna tur Central a dilna te bawhzui sak kan mamawh thu sawiin Central atanga tanpuina a dil bawk a ni. Heng bakah hian Pu Lalthanliana chuan he meeting ah hian Mizoram a Drugs addiction/abuse & illicit trafficking lama survey leh monitoring tha zawka neih theih nan Central sorkar tanpuina tam zawk mamawhna a thlen bawk a ni.