Nimin khan Pu John Rotluangliana, Minister Transport, etc. chuan a bial chhunga khaw thenkhat Mamit leh Nalzawl te a tlawh a.

Mamit ah hian Tourist Lodge a mipui ten an lo hmuah naah hun tawite hmangin Minister Pu John Rotluangliana chuan Mamit a sorkar mi pawimawh te, khawtlang hruaitute leh mipuite chu amah an lo tawiawm thin na leh an thawhhona tha tak avangin lawmthu a sawi a. Mamit District Bawrshap nen a thawhhona tha tak an nei thin chu lawmawm a ti a. Hmun danga a in sawn tur chu ui hle mahse Mamit district leh Mizoram tan hmasawnna tha zawk thlentu tur a nih a beisei thu a sawi bawk.

Minister hi Mamit ah hian sorkar mi pawimawh leh khawtlang mipui ten parthi nen an lo hmuak a ni.

Hemi hnu hian Minister hian chawhnu lamah Nalzawl khua pan leh in, Nalzawl ah hian vantlang inkhawmnaah thu sawiin, Nalzawl khaw mipuiten phur taka an lo lawm chu lawmawm a ti a. Khawtlang hmasawnna tura an hmalaknaah tha taka an thawkho thei chu a lawmawmin chhunzawm zel tlak a ni, a ti a. Mamit ah Bus pakhat(1) Mamit District Headquarter pan a service tur chu tihfel a ni tawh a karleh lam chuan service tir theih tawh beisei a ni a ti a. Hmasawnna thleng turin mipuite hi kan inpeih ve a tul a, chumi atan chuan kan pheichheh te ti rem ila, taima tak leh rinawm takin i thawk tlang ang u a ti a. NLUP pawh chhunzawm zel a ni a, a la dawnglo te pawn kan dawng zel dawn a ni a ti. Minister hian Tlawmngai pawl hrang hrang ten an harsatna an lo thlen te chu bawhzui nghal a ni ang a ti a.

Nalzawl khuaah hian amah zuitu Pu Lalropuia Hmar, EE,PHE pawhin thu sawiin Tuihna humhalh tulzia te, ram tikang lo tura tanlak a tul zia te leh Faina leh hriselna lam hawi thu pawimawh tak Zun leh Ek in fai tak leh tha taka neih leh enkawl a tulzia te uar takin a sawi bawk a ni.

Minister hi Aizawl atangin a thiannu Pi Vanlalhruaii leh mi pawimawh dangten rawn zuiin Mamit atangin Pu Lalropuia Hmar, EE, PHE, Mamit, K. Lalhmingliana, Project Director, DRDA, Mamit, Pu K.T. Matthew, DCSO, Mamit ten an tawiawm bawk a ni.