3580/2024-2025

2024 Pawltlak thla ni 17: Lunglei District Bawrhsap Pi Navneet Mann chuan Lungleia naupang enkawlna hmun leh chhawmdawlna in a tlawh kual mek chu chhunzawmin, vawiin khan Bethel Centre, Kawlkhuma Boys Home leh Lunglei Home TNT te a tlawh a. An dinhmun enfiahin, Krismas thilpek a hlan nghal bawk.

Bawrhsap Pi Navneet Mann hi Additional Deputy Commissioner Pi Rochuangkimi Khenglawt, DPO(WCD) Pu C. Lalnunfela leh DCPO Pi Lalrinkimi Hmar te'n an ṭawiawm a. Thawktute'n lo dawngsawngin, an dinhmun leh hma lakna te an lo hrilhfiah bakah, an harsatna leh mamawh te a hnenah an lo thlen a. Hmasawnna atana thil pawimawh hrang hrang sawi hovin, Bawrhsap hian he'ng home-te hnenah hian Krismas thilpek a hlan nghal bawk.