2780/2024-2025
2024 Khuangchawi thla ni 30: Lunglei District Bawrhsap Pu R. Lalṭhazuala chuan October ni 29, 2024 khan a hnuaia mi ang hian hriattirna a chhuah.
"The Mizoram Fisheries Act, 2022 section 5(1) leh (2) behchhanin, Mizoram Governor chuan ni 10.10.2024 - 10.12.2024 chhung hian Mizoram chhunga lui leh luite zawng zawngah (Autonomous District Council Areas huam tel lovin) he'ng sangha - Nghalim, Nghadawl, Lengphar (Garra, Danio, Barillius sp) te hi an inthlah pun hun chhunga tihbuai leh tihchhiat an nih loh nan leh him taka an inthlah pun theih nan tihhlum emaw, an chenna leh nunphung tihbuai a khap a. Lunglei district chhunga mipuite pawh hei hi ngai pawimawh a, zawm ngei turin kan inngenin kan inhriattir e.
"He thuchhuah zawm lote chu The Mizoram Fisheries (Amendment) Act, 2016 Section 5(4) hmangin thla khat chhung lung in tan, thla thum chhung pawh sei theih emaw, ₹ 5,000/- chawitir emaw, a pahnihin emaw hrem theih an ni ang."
