Vawiin chhun dar 12:00 khan Lunglei Bawrhsap Pu V.Sapchhunga kaihhruainain Lunglei District Chapchar Kut committee an thu khawm.

Hetah hian DC Pu V. Sapchhunga IAS chuan kaihruaiin, kumin Chapchar Kut Lunglawn Mual a hman tura tih chu sum lam a harsatna a awm deuh avangin Saikuti Hall ah hman nise tih an rel. Chapchar Kut hman hun hi zing dar 11:00AM nise, Khuallian ah hian Assembly Speaker Pu Romawia a ni dawn a ni. Saikuti Hall ah hian zing dar 11:00AM ah hian YMA Branch te leh M.C.O lam en tir tur te chu kim thei hram tum a tha hle a ni, an ti. Chapchar Kut hman na turah hian Chapchar Kut Miss leh Chapchar Kut Mister te thlan leh ngei nise, lo buaipui turin MJA Lunglei te nise an ti bawk a ni. Kut Miss leh Mister thlan dan turah hian khawtlang ah leh NGO a in hmang, Chapchar Kut a item nei ni thei ngei se Chapchar Kut committee chuan a ti bawk.

Chapchar Kut hman naah hian Lunglei a zaithiam te sawm leh ngei nise committee chuan a ti bawk. Chapchar Kut kan hma lo awm tur ah hian YMA Branch te leh M.C.O te chu tun atanga lo in buatsaih turin Chapchar Kut committee chuan a sawm nghal bawk a ni.