Vawiin chawhma dar 11:00 AM khan DC Office Chamber-ah Pu V.Sapchhunga IAS, Deputy Commissioner hovin Lunglei District Fire Prevention committee neih a ni.

Member Secretary Pu Kawlhnuna,DFO in nikum a hman dan tlangpui report pe in, kumin ah Fire Prevention week hawnna programme chu Art & Culture Auditorium ah neih nise office hrang hrang, YMA,VC, MHIP, MUP te tel tura sawm nise. Abik takin khawpui chhunga VC member te chu kim taka kal tura ngen nise tih a ni. Lunglei District chhunga VC leh Branch YMA tin te hnenah kangmei ven kawnga hma la tura ngen nise, DEO, SDEO (N) leh SDEO(S) te hnenah pawh school hrang hrang a kangmei ven kawnga hmalakpui tura ngen nise. Lunglei District chhunga kohhran hrang hrang te hnenah pawh ngenna hi siam in Head Quarter ah theuh pek a lo puangzar tura tih a ni bawk. Fire service te puibawm turin VC, YMA te ngen nise, Fire Prevention awareness campaign Lungsen leh Thualthu ah neih tura tih a ni. MJA, cable TV leh AIR ten kangmei laka inven dan leh hmalak dan te puanzar thin avangin committee chuan lawmthu a sawi a ni.