937/2025-2026

Lunglei, 2025 Nikir thla ni 25: Lunglei District Magistrate Pi Navneet Mann chuan June ni 23, 2025 khan a hnuaia mi ang hian Lunglei District chhunga arms licence nei silai pahnih aia tam neite leh licence pakhat aia tam neite tana hriattirna a chhuah.

"Mizoram Sawrkar, Home Department atanga Notification No. D.33011/1/2025-HMA dated 6.06.2025 tihchhuah angin Arms licence nei mi pakhatin silai 2 (pahnih) aia tam lei, kawl leh neite chu an chhungkaw member-te hminga transfer phalsakna hun an pawt sei leh ta a.

"Lunglei District huam chhunga silai pahnih aia tam nei/kawlte chuan silai pahnih bak an neih/kawl (surplus firearms)-te chu 31.12.2025 hma ngeiin District Magistrate, Lunglei District hnenah an surrender emaw, form awm sa hmangin an chhungte hminga transfer tura dilna an theh lut tur a ni.

"Hun tiam chhunga surrender/dilna theh lut lote chu Home Department's Notification Dt. 6th June, 2025-a tar lan angin District Magistrate-in an surplus firearms-te an chhuhsak/cancel-sak thei ang.

"Tin, Arms Licence pakhat aia tam neite chuan Rule 15(3) (4) (5) (6) of Arms Rules, 2016-a tar lan angin an Arms Licence-te chu Unique Identification Number (UIN) pakhat hnuaiah Booklet pakhatah dah khawm tur a nih avangin Booklet pakhat aia tam neite chuan Deputy Commissioner's Office, Judicial Branch-ah a rang lama tihfel tur a ni ang."