Vawiin khan Cultural Heritage Centre Lungleiah Oil Palm FFB Producers Meet neih a ni.

Meet hi Pu Tlangtimawia Zote DAO Lunglei in a kaihruaia Khuallian Pu C.Lalrinsanga Agriculture Minister chuan Kuthnathawktu ten harsatna kan tawh mek Fall Armyworm pung hian mi tam tak te min tibuai hle a, damdawi hman angaih hmaa kan thlai te uluk zawka kan en ngun a pawimawh a ni a ti. Agriculture Minister chuan Oil Palm rah (FFB) hralh chungchangah Ruchi Company te nen inremna kan siamah Company lam duhthusam angin la ti theilo mahila nasa zawka tan kan lak zel angai a ni a ti a, a phurchhuahna kawngah pawh ruahmanna tha zawk siam a tul thu a sawi. Oil Palm mai nilo in nitina kan mamawh thlai hrang hrang te pawh tun aia intodelh tura tan lak a pawimawh hle Minister hian a ti.

Vawiina Oil Palm chingtute kalkhawmna ah hian Lunglei Dist a Oil Palm rah thar hnem mi 10 te hnenah Agriculture Minister hian Hreite leh Kutkawr a pe. Lunglei Dist ah hian Oil Palm rah hrlah chhuak khaw 67 awmin heng zingah hian Zawlpui khua chuan an hralh chhuak hnem bera vawiina Meet ah hian Dist Agriculture Office a thawktu mithiam ten Fall Armyworm chuchang zirtirna an pe bawk a ni.