Vawiin khan Lunglei DC Conference Hall-ah Additional DC Pu David Liansanglura Pachuau kaihhruaiin Lunglei District-a Bank te hmalak dan tur thlir ho turin Consultative Committee (DCC)/ District Level Review Committee (DLRC)/District Level Security Committee (DLSC) an thukhawm.

Meeting ah hian Line Department hotute, RBI, NABARD, BSNL, tlawmngai pawl leh Lunglei District bank hrang hrang manager te kalkhawmin Quarter ending June 2019 chhunga Bank hrang hrang te hmalakna an thlir ho.

He meeting a pharh, June 2019 quarter tawp a Lunglei District chhunga bank hrang hrang te hmalakna tlangpui chu hetiang hi a ni. Lunglei District pumpuia Babk hrang hranga pawisa dah luh mek Deposit Rs. 95,606.30 lakhs niin loan pek chhuah zat chu Rs.37,405.50 lakhs niin Credit Deposit Ratio (CD Ratio – Bank in Deposit a dawn atanga loan a pekchhuah zat) chu 39.12% a nih thu tarlan a ni. Priority Sector Advance (Agriculture, Micro Enterprise, Loan to weaker section) chu 55.77% niin hei hi a tha thawkhat viau a ni. June 2019 quarter chhungin mi 169 hnenah Agriculture loan Rs. 278.50 lakhs total pek chhuah tawh a ni. Tin he quarter chhung vek hian sumdawng hrang hrang - Micro, Small and Medium Enterprises (Manufacturing leh Services) mi 242 te hnenah loan Rs. 1201.31 lakhs pek chhuah an ni. Committee chuan Line Department leh Bank-te thawhhona tha tak nei chhunzawm zel se tiin Banking chungchang mipuite zirtirna Financial Literacy Campiang te pawh tun aia uar zawka neh ni se tih a rel.

Bank Security chungchang ngaituah hona ah Bank hrang hrang ten Bank Security an neih bakah CCTV, Fire Extinguisher, Alarm System leh Police patrol log book te dahin an enkawl that thu tarlan a ni a. Lunglei Police te nen hemi kawnga thawhhona tha tak an neih thu tarlan a ni. Sawrkar scheme hrang hrang Stand Up India, Housing for All, PM Social Security Scheme, MUDRA Loan hnuaia bank hrang hrang hmalaknate sawiho a ni bawk.