No.2265/2021-2022

Aizawl the 17th, Sept' 2021: Vawiin khan DC Conference Hall, Lunglei ah Pu Kulothungan A, IAS, Deputy Commissioner, Lunglei kaihhruaiin District Consultative Committee/District Level Review Committee/District Level Security Committee Quarter Ended March 2021 leh June 2021 meeting neih a ni. Meeting ah hian District Lead Bank Manager Pi Lalremsangi bakah Bank hrang hrang Manager-te leh Line Department hrang hrang aiawh te an tel a ni.

Pu Kulothungan A chuan Annual Credit Plan 2021- 2022 tlangzarhna neiin Lunglei District in sum leh pai ah hma kan sawn theihnan thingtlang lam ah Bank Awareness Campaign leh Saving chungchang ah zirtirna tam zawk pe turin Bank te chahin Line Department te nen a thawhhona tha tak nei turin a chah bawk a ni.

He meeting a pharh March leh June 2021 quarter tawp a Lunglei District chhunga bank hrang hrang te hmalakna tlangpui chu hetiang hi a ni.

Bank hrang hrang ten Bank Security an neih bakah CCTV, Fire Extinguisher, Alarm System leh Police patrol log book te dahin an enkawl that thu tarlan a ni a. Lunglei Police te nen hemi kawnga thawhhona tha tak an neih thu tarlan a ni. Currency Management- Remittance issues leh pawisa chhia thleng chungchang ah Bank ah harsatna a awm loh thu sawi a ni.

Credit Deposit Ratio (CD Ratio – Bank in Deposit a dawn atanga loan a pekchhuah zat) chu March 2021 ah 61.01% niin June 2021 quarter ah 60.84% a ni. Reserve Bank of India ina abitul zat chu 60 % a ni.

Agriculture, MSME leh Other Priority Sector ah Lunglei District ah March, 2021 quarter chhung khan cheng nuai 12733.11 leh June 2021 quarter chhungin cheng nuai 2315.60 Agriculture, MSME leh Other Priority Sector loan sanction a ni. Kuthnathawktute tana loan Kisan Credit Card (KCC) ah March 2021 quarter chhung khan mi 872 hnenah KCC loan cheng nuai 661.85 pek chhuah niin June 2021 quarter chhung khan mi 276 hnenah KCC loan cheng nuai 223.96 pek chhuah a ni.

Prime Minister's Employment Generation Programme (PMEGP) ah March 2021 quarter chhung khan Lunglei District-a bank ten mi 160 hnenah loan cheng nuai 439.88 pe chhuakin June 2021 quarter chhung khan mi pali hnenah PMEGP loan cheng nuai 8.41 sanction a ni. NRLM kaltlangin March 2021 chhung khan Self Help Group 28 hnenah loan cheng nuai 40.63 sanction niin June 2021 quarter chhung khan SHG pakhat hnenah cheng nuai 1 loan sanction a ni.

Sawrkar laipui hnuaia Social Security Scheme-te - Pradhan Mantri Jan Dhan Yojana (PMJDY) hnuaiah Lunglei District chhungah beneficiary March, 2021 chhung khan mi 55,752 awmin June, 2021 thlengin mi 55,595 an awm. Pradhan Mantri Jeevan Jyoti Bima Yojana (PMJJBY) ah March, 2021 chhung khan mi 8515 leh June 2021 thlengin mi 13,727 an inziak lut a, Pradhan Mantri Suraksha Bima Yojana (PMSBY) ah March, 2021 chhung khan mi 16,671 leh June, 2021 thlengin mi 27,967 an inziak lut bawk a ni. Pradhan Mantri Mudra Yojana (PMMY) ah March, 2021 quarter chhung khan mi 725 hnenah loan cheng nuai 1455.51 leh June 2021 quarter chhung khan mi 290 hnenah loan cheng nuai 506.42 loan pek chhuah a ni. March 2021 quarter chhung khan Bakijai Case (Loan rul tha lo) case 5 lutin cheng nuai 33.57 tihfel niin June 2021quarter ah case lut a awm lo a ni.

A chunga loan tarlan te leh hmalakna te khi Lunglei District huam chhunga Bank 20- SBI Lunglei, SBI Chanmari, SBI Tlabung, SBI AOC Square, AXIS Bank, Canara Bank, HDFC Bank, IDBI Bank, Syndicate Bank, United Bank of India, MRB Buarpui, MRB Bunghmun, MRB Haulawng, MRB Lunglawn, MRB Lunglei, MRB Lungsen, MRB Serkawn, NESFB, MCAB Zobawk leh MCAB Lunglei te hnuaiah a ni.