223/2023-2024

Lunglei the 26th, April' 2023: Vawiin khan DCs Conference Hall, Lungleiah Pi Melody Ngurthantluangi, SDO(Sadar) Deputy Commissioner Office kaihhruaiin Lunglei District Convergence Action Plan Committee on Poshan Abhiyaan thut khawmna neih a ni. He hunah hian kum 2022-2023 a hmalakna te thlir hona leh kum 2023-2024 hmalakna tur te sawihonna neih a ni.

Thutkhawm kaihruaitu Pi Melody Ngurthantluangi chuan naupang leh hmeichhia te an lo hrisel zawk nan chaw tha ei a pawimawh a, naupang leh hmeichhia te hriselna lamah mipui kan than harh a Anganwadi Centre te awmze nei leh tangkai zawk a kalpui a, Sorkar laipui duhdan angin Mizoram State chhungah Social Welfare Department leh Line Department te nen a thawhhona tha nena hmalak na kalpui a ngaih thu a sawi a ni.

Lunglei District ah hian Poshan Abhiyaan hmalakna Project 4 a awm a chungte chu Lunglei, Hnahthial, Bunghmun leh Lungsen te niin kum 2022- 2023 chhunga hmalakna hrang hrang te thlirhona neih a ni a,Lunglei District chhunga Anganwadi Centre 418 awm ah tui connection 167 pek a ni a, inthiarna 380 a awm a, Nutri-Garden 357 siam a ni, Electrict connection 5 pek, LPG connection 33 neih bakah nuapang chaklo bik, rihna tla hniam lutuk te enkawlna pek, nu in naupang hnute pek te, damdawi pek te, invenna lak te tarlan a ni. Kum 2023-2024 chhunga hmalakna tur hrang hrang te sawihona neih niin Social Welfare Department leh Line Department ten action plan leh data mumal tak siam a hmalak nise tih a ni.