Vawiin khan Lunglei DC Conference Hall-ah Lunglei District Development Coordination and Monitoring Committee (DISHA) chu an Chairman Pu C.L. Ruala, MP Lok Sabha kaihhruaina hnuaiah tun financial year a a hmasa ber an thukhawm.  Co- Chairman Pu Ronald Sapa Tlau, MP, Rajya Sabha, Pu Joseph Lalhimpuia, MLA, Lunglei East Assembly Constituency, Pu Chalrosanga Ralte, MLA, Lunglei West Assembly Constituency leh Pu Nihar Kanti Chakma, MLA, West Tuipui Assembly Constituency te an tel. Hemi bakah hian Dr Ankita Chakravarty, IAS, Deputy Commissioner, Lunglei, Pu K. Lalrohlua Project Director DRDA leh a kaihhnawih Sawrkar official-te bakah VC, YMA leh  MHIP aiawh  an tel a ni.

Meeting ah hian Central sawrkar sum hmanga hmasawnna hnathawh hrang hrangte report pek ani a; a tlangpui chu hetiang hi ani.

Sawrkar kum kal ta 2017-18 hun chhung khan MGNREGS  hnuai ah ni 70 inhlawhna siam niin job card holder te account ah March ni 31 thleng khan Rs.3200.43 lakhs thunluh tawh anih thu tarlan a ni a. kum 2018-2019 chhunga MGNREGA hnuaia Lunglei District chhung Block hranga hranga hnathawh dan tur leh Labour Budget te mumal taka siam fel a ni tawh bawk.Individual House Hold Latrine hnuai a ekin sak tur 950 ah 937 sak zawh tawh a ni. Kawngpui dung ah km 82.23 thing phun a ni. Anganwadi Center 19 sak turah 19 peih fel a ni tawh bawk. Lunglei District chhungah thingtlang khuaa mirethei te in sak sakna scheme Pradhan Mantri Awas Yojana – Gramin PMAY-G hnuai ah in 865 sa tura ruahmanna siam mek niin hengte zingah hian 189 zawhfel a ni tawh a ni.

 P&E Department hnuaia Deen Dayal Upadhyay Gram Jyoti Yojana (DDUJY) hnuaiah khaw panga ah eng pek tur kalpui niin hengte zingah hian Ngiautlang chu zawhfel a ni tawh a, New Lungrang leh Putlungasih Venghmawr ah te ban phun (pole erection) hna kalpui mek niin Cheural leh Tawipui N II Dai ah te hna hi kalpui mek a ni bawk. Hnahthial khua ah Integrated Power Development Scheme (IPDS) pawh chak taka kalpui mek a ni.

PMGSY hnuaiah kawng siam hna kalpui mek niin tun dinhmunah Tlabung to Diblibagh Road (6.384 kms), Mauzam to Puankhai Road (11.120 kms),S. Vanlaiphai to Muallianpui Road (13.50 kms), Bunghmun to Sesawm Road (10.57 kms), Marpara to Laisawral Road (39.71 kms), Thuampui to Lungchem Road (40.90 kms) leh Tlabung to Chawilung Road (20.90 kms)-te thawh chhunzawm mek an ni a, Serhuan to Lamthai Road (12.00 kms) leh Tuichawng to Matisora Road (4.840 kms) atan hmanrua leh mamawh dangte lak khawm mek niin hna hi thawh tan thuai a ni ang.

Swachh Bharat Mission (Gramin) hnuaiah mimal ek in Individual House Hold Latrine 8037 sak zawh a ni tawh bawk.

Kum 2017-2018 chhung in Lunglei District ah Nausen piang hlim thi 35 an awm a, Infant Mortality Rate chu 15/1000 a ni , hemi chhung hian nu nau chunga thihna pahnih a thleng a ni. Malaria vei mi 1421 zingah mi 1262 te chu Malaria Pf niin Denque vei mi sawmpathum hmuhchhuah an ni. 2017-18 chhungin Medical Mobile Unit 42 neih a ni. 2017-18 April to March chhung in mi 8339 Blood Test te zingah mi 100 HIV positive hmuhchhuah an ni a, hengte zinga mi 86-te hi mipat hmeichhiat (sex) atanga HIV natna hrik kai an ni. Hemi hun chhung hian mi 13 in HIV/AIDS avangin nunna an chan. National Tobacco Control Program pawh chak taka kalpui zel niin Anti Tobacco Squad Drive vawi 47 neih a ni.

DUDO Lunglei hnuaia Lunglei khawpui chhungah IHHL 161 sak zawh tawh niin 100% achievement an nei a, Community Toilet, Public Toilet leh Public Urinal te pawh zawh fel tawh an ni. Hnahthial leh Tlabung khua ah te chak taka hmalak zel a ni bawk.

 ICDS hnuai ah tar pension 5,267 te hnen ah pek an ni a, naupang kum 6 hnuai lam te tan nutrition pek an ni bawk. Social Welfare Department hnuaia Vocational Training in Tribal Area hnuaiah mipa 17 leh hmeichhia 64 ten training an nei tawh bawk.

Hengte bakah hian vawiin meeting hian Lunglei District chhunga Central sum hmanga hnathawh dang te an sawi hovin, hmalaknaa harsatna tawh thin te, ruahmanna hmachhawp te leh thil dang pawimawh tam tak sawi ho ani.