836/2022-2023
Lunglei the 9th, June' 2022: Vawiin khan DC's Conference Lungleiah Bawrhsap leh Chairman Lunglei District Disaster Management Authority ni bawk Pu Kulothungan A. IAS kaihhruaiin furpui kan hmachhawn mek a khuarel chhiatna lo thlen thulha inven dan tur leh hmalak dan tur ngaihtuah in Lunglei District Disaster Management Authority thutkhawmna neih a ni.

Pu Kulothungan A chuan furpui kan hmachhawn mekah lirnghing, leimin leh tuilian laka kan invenhimna tur leh kan inbuatsaih lawkna kawngah sawrkar department hrang hrangte, mithiam bikte, NGO te kan tan ho a thawhhona tha tak kan neih hi a pawimawh a ni, a ti a. Chhiatrupna lo thlen thulha chhawmdawlna a thlen zung zung theih nan department tin te lo inbuatsaih lawk a ngaih thu sawiin Incident commander ten VC leh NGO te nena tangkawpin chhiatrupna thlen theihna hmun ah hmalak zung zung theih nan shelter point siam theuh turin a chah bawk.

Furpui chhunga chhiatrupna lo thlen thulha inven lawk nan sawrkar deparment hrang hrang ten an hmalakna leh hmachhawp te sawiin plan mumal tak siam anih thu an sawi bawk.