837/2022-2023
Siaha; the 9th June,2022: District Level Green Mizoram Day Committee,Siaha District in a lo rel tawh angin, tukin chawhma dar 9:30Am khan District Playground-ah Green Mizoram Day-2022 hawnna inkhawm neih a ni. GMD-2022 hawnna inkhawm hi Pu Donny Lalruatsanga,Addl.DC in a kaihruai a, Pu N.Viakhu,Chairman, MADC chuan khuallian niin, thusawina hun leh lawmman semna hun a hmang.

Green Mizoram Day-2022 hawnna inkhawmah hian Siaha district-a kum 2021-2022 chhunga Kangmei laka mahni khua leh an khaw ramngaw humhalh tha ber a hnuaia khua 3 thlan chhuah te hnenah hian(Village Level Fire Prevention Award) chawimawina thuziak leh tangkafai hlan an ni.
1st Prize--Amobyu 'B' hnenah
Citation + Rs.50,000/-,
2nd Prize--Lobo, hnenah Citation + Rs.30,000/- leh
3rd Prize--Khopai hnenah Citation leh Rs.20,000/- te hlan an ni.

Heng bakah hian Kangmei chungchanga mipuite hnenah zirtirna pek kawnga Daily Newspaper thawhhlawk ber 3 thlanchhuah te hnenah Tangkaifai lawmman pek an ni bawk. Chungte chu:
1st prize---Maraland hnenah --Rs.3000/-,
2nd Prize--Kawl Eng hnenah Rs.2000/- leh
3rd Prize--Moonlight hnenah Rs. 1000/- te hlan an ni.

Lawmman te hi khuallian Pu N.Viakhu leh Pu HC.Biakcheuva,EM(Forest) ten an sem a ni.

District playground-a Programme hmanzawh ve leh hian Gov't of Nizoram hnuaia office hrang hrang staff te chu Pawl 2 a inthenin, Siaha --Tipi Ferry kawng leh Siaha-Tisopi kawngah Thingtiak hnatlang thawhzui nghal a ni.
Tipi Ferry leh Tisopi kawngah hian Thingtiak phunna tur kawngsir (Roadside) hi MADC Forest Dept in plot 11 ve ve a lo thlang fel sa diam a.Plot khat-ah hian office 2/3 te inkawp zelin, thingtiak hi phun a ni a.Vawiina thingtiak phun zat hi 600 vel a ni. Siaha district GMD committee in ngenna a siam angin, office inkawp tin ten anmahni plot theuh a an thingtiak phun te enkawlzui hna chu an mawhah an la nghal vek dawn a ni.

Vawiin GMD-2022 puala thingtiak phun hnatlang-ah hian Gov't Comprehensive Elementary School(GCES)-a Eco-Club member 30 leh an zirtirtu 12 te an lo tel ve a ni.

Vawiin thingtiak phun hnatlang hi MADC Forest dept te kaihhruaina hnuaiah thawh a ni a, thingtiak leh a hungna tur mau te pawh anmahni hian an lo ngaihtuah vek a ni.

Vawiin thingtiak phun te hi:- Tlaizawng, Thlado,Ngiau,Khuangthli,April Par leh Silver Oak te an ni.