Vawin chawhma dar 11:00 khan Lunglei District Disaster Management Authority te chu an chairman Lunglei Bawrhsap Pu V.Sapchhunga hovin an thukhawm.

Meeting-ah hian Lunglei MUP in Telecom manager te hnena Mobile Phone network tower te mipui tana himna leh hriselna kaihhnawih thil a an ngaihmawh thu ziak a an thehluh tawh te zirchian ani a. Lunglei khawpui chhung Sorkar leh mimal Building, Kawngpui leh Lei mipui vantlang tan a himlo te enfiah tur a din Inspection team in Report a thehluh tak te pawh meeting ah hian pharh a ni a, In himlo thenkhat mipui vantlang tan a pawi thei te chu thiah leh siamthat a nih thuai nan hmalak a rel a ni. Building kawng leh lei him taklo te zawng chhuak turin DDMA chuan Joint Verification Team a din nghal bak ah mipui vantlang te pawh chhiatrupna thlen thei Kawng leh Building te an hriat chin te chu Sorkar thunei tu te hnen a thlen vat -turin an chah a ni.