Vawiin chawhnu dar 1:00 khan Working Committee on Establishment of Mizoram Medical College te chuan an Chairman Pu S.Laldingliana, Parliamentary Secretary, Health & Family Welfare Department pisa-ah an thukhawm.

Meeting-ah hian Medical College hi Central Scheme dan dinglai anga Central in a tum tur infrastructure, building, hostel, etc. sakna senso bak a run leh enkawl chhoh zel State sawrkar kuta awm chu central sawrkar bultum vek (Fully Central Funded) a din leh enkawl chhoh a nih theih nana hmalak dan tur te sawiho a ni a, hmalak tawh na te thlirhona neih a ni bawk. Commitee hian Medical College & Cancer Hospital atana thil tul hmasa DPR & Concept paper chu peihfel tawhin Central lamah an thawn thla tawh a. A copy pawh Union Health minister Gulam Nabi Ajad hnenah an pe tawh bawk a ni.

Meeting-ah hian Pi Esther Lalruatkimi, Secretary Health, Dr. K.Ropari, Director DHS, Dr. Lalrinliana Sailo, Director DHME, bakah Health Department, PWD leh P&E Department hotu pawimawhte an tel bawk a ni.