Vawiin khan Lunglei District huamchhunga 145 Village Councils inthlanna tur Draft Electoral Roll chu Lunglei DC Pu Ashish Madhaorao More, IAS chuan DC Conference Hall-ah chawhnu dar 3:00-ah khan a tlangzarh. Lunglei DC leh DEO ni bawk Pu Ashish More chuan he huna tel election officals, Political Party leh NGO aiawh te chu V/C inthlan awm tur atan electoral roll felfai leh dik tak siam a nih theih nan thawhhona tha leh langtlang a pawimawh thu a hrilh.

V/C awmna khaw tinah Standing Committee din a ni a, Political Party aiawh mi 2, NGO aiawhin mi 3 theuh leh ERO/BLO chu Chairman a ni ang. Lunglei District huamchhunga V/C 145 a awm a, tun V/C inthlanah hian Assembly E/Roll hman a ni lovang.

Ni 2-4 February chhungin 'Claims & Objections' hun hawn a ni ang a, ni 5-7 February 'Disposal', 9-14 February 'Printing of E/Roll'; Final V/C Electoral Roll hi February ni 16-ah tlangzarh a ni ang. V/C Election hi State Election Commission hnuaia huaihawt a ni a, Final Roll tarchhuah tawh hnuin tumah thunluh phal a ni lovang. Village Council 1-ah hming pakhat chiah awm tur a ni a, khaw khat atanga khaw insawn erawh dil phal a ni ang.

Attachment

  • Loading attachment...