Lunglei DC Pu Abhijit Vijay Chaudhari, IAS kaihhruainain vawiin chawhnu khan a Office Chamber-ah Lunglei District Education Committee (DEC) an thukhawm a. Lunglei District-a kum 2016-17 chhunga SSA Mission kalpui tura sum dawn (1st installment) hman dan tur te an thlirho.

Lunglei SSA Mission DPC leh Member-Secretary ni bawk Pu HS Zosangliana chuan kum 2016-17-a hman tur 1st installment atan cheng nuai 397.6 an dawn thu a tarlang a. Heng sum hmang tura ruahmanna siam te chu DEC pawmpui turin chhawpchhuah a nih thu a sawi. Sawrkar lam atanga sum a hun taka dawn thin a nih loh avangin duhthusam anga hna kalpui theih a nih loh thu a sawi bawk.

Meeting-ah hian Special Training Centres (Residential leh Non-Residential) enkawl nan cheng nuai 8.82, Inclusive Education (Children with Special Needs) atan cheng nuai 2.73, school 23 thawm that nan cheng nuai 109.77, Lungsen Block-a Kasturba Gandhi Balika Vidyalaya (KGBV) enkawl nan cheng nuai 4.66, management senso ah cheng nuai 17.79 leh zirtirtu hlawh atan cheng nuai 253.9 1st installment atan dawn a nih thu tarlan a ni.

Committee chuan sum hmang tura ruahmanna siam te chu pawmpuiin, hnathawhte khaihlak lo a, fund a hun taka release a nih theih nan thuneitu sang zawk hnenah thlen nise tiin a rel. Meeting-ah hian School Education leh sawrkar department thenkhat bakah tlawmngaipawl aiawh te in an tel a ni.