Lunglei District Disaster Management Authority chu a tulna apianga che chhuak turin an inralring reng a. Official - te insemdarhin thli leh ruah avanga Lunglei hmun hrang hranga leimin, mimal leh vantlang thil tihchhiat te hi a hmunah kalin an enfiah a. Chhanchhuah leh chhawmdawl hna kalpui mek a ni. Hemi bakah hian 2nd Battalion MAP hnuaiah SDRF trained personnel 100 awmin Sipai engemawzat an che chhuak mek a ni.

Tin, Lunglei District Emergency Operation Centre pawh hawn leh tawh niin a tul hun apiangah 0372-2325949, 9774294825 (SDC i/c DMR) leh 9862653478 (DO, DMR) ah te engtik lai pawhin an phone theih a ni.