Vawiin chawhma khan Pu Ashish Madharao More, IAS, Lunglei Bawrhsap hovin D.C Conference Hall, Lunglei ah District Fire Prevention Committee neih a ni.

Fire Prevention Week 2015 hman dan tur rel a ni a. Dt.19/1/2015 zing dar 7:00 ah Saikuti Hall ah Hawnna inkhawm neih nise, Pu Ashish Madharao More, IAS, Deputy Commissioner, Lunglei leh Chairman, Lunglei District Fire Prevention Committee ni bawk chu khuallian nise tih a ni a. Lunglei khawpui chhung a YMA, MHIP, VC Association, Political Party hrang hrang OB te leh Head of Officer te sawm nise tih an rel. Hemi ni vek dar 11:00AM ah Fire Prevention Awareness Campaign kawngzawh neih nise, kawng zawh hi Three Gate (Lunglawn) atanga Pukpui Centenary Lungphun thleng neih nise tih a ni. MGNREGS atanga Lunglei District in a sum hmuh tur a awm velah Lunglei khawpui dai hmun thenkhat kangmei chhuah duhna bik ah te mei kawng sial nise. Kangmei chhuah hlauhawm chhung in PHE Dept. in Zotlang Water point ah te Fire & Emergency Department leh khawtlang in kangthelh nan a an hman mai theih turin PHE Department in tui dahkhawl se tih a ni.

Kangmei ven kawnga Chanchinbu a article ziak tha pathum(3) te lawmman siam sak nise, Lunglei District chhung a khaw tin V/C, YMA, Kohhran hrang hrang te leh School Education Department te hnenah kangmei ven kawng a hma la thar tura ngen nise, Mizoram Sorkarin lo hal hun a ruat 15th March, 2015 aia tlai lo ah lo hal turin V/C zawng zawng te hriattir nise, hemi hnu lama lo hal leh ram tikang te chu District Level Fire Prevention Committee in dan angin hma a la ang, Fire Prevention Week 2015 denchhen hian AIR, Cable Network ah Deputy Commissioner & Chairman, Lunglei District Fire Prevention Committee ni bawk in awareness campaign thu sawi se tih a ni a, Pukpui leh Tlawng inkara Department ten an thingphun theuh te kangmei laka inven nan a bul vel te tih fai nise tih rel a ni.