Vawiin chawhma khan DC's Conference Hall, Lunglei ah Pu Lalnundika, SDO (S) kaihhruaina in Lunglei District Fire Prevention Committee thutkhawmna neih ani.

Committee chuan Fire Prevention Week 2019 chu 11st tanga 16th, February 2019 chhung hman nise,a hawnna inkhawm hi 11st, Feb. 2019 ah Convention Centre, Conference Hall, Lunglei ah neih tura tiin Pu Lawmawma Tochhawng, Vice Chairman, HPC, Lunglei chu khuallian tura tih ani. Fire Prevention Week chhung hian in tin ah kalin kangmei laka invendan zittirna pek nise, Lunglawn, Chanmari, Kikawn, Serkawn, Zotlang leh Pukpui ah PHE tuizem te tui engtik lai pawh Fire & Emergency Service ten tui hman theih a dahkhat turin PHE Dept. te ngen nise tih ani. kangmei laka invendan chungchang  ziak tha chanchinbu pathum thlan nise, kangmei ven kawnga thawktha khua pathum thlanchhuah te hnenah lawmman peh nise, March ni 15 2019 hmain lo hal vek tur thuchhuah nise, Green Mizoram a thingphun te uluk zawka vil tur in thingphun tute ngen nise, Lunglei khawchhung laili ah banner tar tur rel ani bawk.

Dr. C. Vidhyasagar, IFS, DFO leh Member Secretary, District Fire Prevention Committee in kum 2018 a kangmei ven kawng a hmalakna te tarlangin Lunglei Forrest Division hnuaiah khawchhung ah kangmei vawi 3 chhuakin, khawpawn ah vawi 283 chhuakin ram 637.23Ha. a kangchhia ani.VC,YMA,MUP leh HMIP te nena tang hovin awareness campaign, Pamphlet sem, In tina kalin kangmei laka invendan zirtirna pek ani bawk ati.