1306/2023-2024

Lunglei the 28th July, 2023: Vawiin khan Lunglei Bawrhsap Pi Ramdinliani, IAS kaihhruaina in DC Conference Hall, Lunglei ah United Nations Food and Agriculture Organisation (FAO) hnuai ami Pu RB Sinha, Project Director, Green-AG India in a Lunglei District Project kalpuina khua fanna a hmalakna leh hmalakna tur a hmuh dan te sawihona neih a ni. He sawi hona ah hian Green-AG thawk tute leh Line Department hrang hrang te an tel a ni.

He hun ah hian Pi Ramdinliani chuan Pu RB. Sinha, Project Director, Green- AG in Lunglei District a hmalakna a hmun ngeia tlawh avangin lawmthu a sawi a. Green AG chu hmasawnna huapzau leh daih rei tak kan neih theihna tura duan anih thu sawiin he project kaltlang hian Line Department hmalakna te chu ramngaw leh nungcha humhalh chunga kalpui anih tur thu a sawi a ni. Pu RB. Sinha, Project Director, Green-AG India chuan Lunglei District chhunga Green-AG Project kalpui mekna khua pali Tleu, Bunghmun, Sesawm leh Laisawral te tlawhin hmalakna te chu tha a tih thu a sawi a, Bunghmun khua a Green House pasarih (7) saksa te chu kuthnathawktu ten an hman tangkai theihnan Line Department hrang hrang te nena thawhhona nen hman tangkai dan ngaihtuah a ngaih thu sawiin kuthnathawktute mamawh thlai chi emaw hmanrua emaw te hriatsaka Line Department te nena tanghova hmalakna kalpui anih chuan hlawk zawk a tharchhuah tam a ring a ni.

Meeting ah hian Line Department hrang hrang ten scheme hrang hrang an neih leh kalpui theih dan te sawi hona hun an hmang a ni.