No.766/2021-2022

Lunglei the 1st June 2021 - Vawiin khan June ni 11-a Green Mizoram Day lo thleng tur hman dan tur ngaihtuahin Lunglei District Level Committee on Green Mizoram chuan online meeting an nei a ni. Meeting ah hian District Level Committee on Green Mizoram Chairman Lunglei DC Pu Kulothungan A, Lunglei DFO Pi Lalrawmmawii Sailo leh member dangte an tel a ni.

Kumin 2021 Green Mizoram Day thupui atan "Tuihna leh boruak tha siam nan thing i phun ang u," tih hman a ni.

Meeting chuan Green Mizoram Day 2021 chu Lunglei District-ah pawh hman ngei nise, June ni 11-ah sawrkar SOP zawmin a hawnna hun leh Ceremonial planting neih nghal ni se tih an rel a. Green Mizoram Day 2021 hawnna hi HATIM, Pukpui ah hman ni se tih rel niin helai hmun hi a remchan loh chuan EF&CC Hi-Tech Nursery Pukpui ah hman tum a ni. Planting agency mahni thing phun enkawl tha leh kangmei veng tha khuate thlan chhuaha lawmman buatsaih sak leh ni se tih rel a ni bawk.

Environment Forest & Climate Change Department Lunglei chuan April Par, Vaube, Cassia Fistula, Thlado, thakthing, Champaca, Tlaizawng leh thingkung chi dang enegmawzat phun tur an neih thu meeting-ah hian report a ni bawk.