Vawiin chawhnu khan Lunglei Deputy Commissioner  leh Nodal Officer, Saansad Adarsh Gram Yajana (SAGY)-Haulawng ni bawk Pi Lalzarmawii, IAS kaihhruainain DC’s Conference Hall-ah Haulawng Model Village-a hmalak tawhte leh hmachhawpte ngaihtuahin Lunglei District Level Committee an thukhawm.

Lunglei DC Pi Lalzarmawii chuan MP (Lok Sabha)-in Model Village atana a thlan Haulawng khua hmasawnna leh a mi chengte chawikannaah Department hrang hrangte tangruala, khaw entawntlak leh khaw hmasawn taka siam theuh turin a duh thu a sawi a ni. 

Project Director, DRDA Lunglei Pu K.Lalrohlua leh Charge Officer, SAGY-Haulawng ni bawk chuan Department hrang hrangten ‘Village Developement Plan’ an siamte chu ennawna, siam belh theih a ni tih a sawi a. Department thenkhat Plan la siam lote pawhin siam belh nise, Plan hlawhtling ngei tur thlang theuh turin a chah a ni. Model Village atana hmasawnna kan thawhte mipuite hnena Awareness Campaign ruahmanna siam a, August ni 15, 2017 hma ngeia Charge Officer hnenah thehlut tura tih a ni. Hmasawnna ruhrel bakah mipuite chawikan hi a pawimawh hle a ni a ti bawk. Ni 27th July, 2017-ah Hausiama Pa Hall, Haulawng-ah Department thenkhat hmalakna - Scheme, Sanitation, Health, AH&Vety leh Community Participation chungchang mipuite hrilhhriat nise tih leh hemi hunah hian Lunglei Bawrhsap chu Khuallian atan sawm nise tih an rel.