1095//2023-2024

Lunglei the 11th July' 2023: Lunglei District huamchhunga vawikhat hman atan a siam plastic hman tihtawp anih theihna tura hma latu District Level Enforcement Squad for Single Use Plastic Free te chuan vawiin khan inspection an nei.

Inspection hi Venglai dawrah te neih niin dawr tam zawkah single use plastic la hman a ni tih hmuh a ni a. Plastic Waste Management Rules, 2016 leh Lunglei Plastic Waste Management Bye-Laws 2023 hi zawm turin intiamkamna (Form- I Form of Declaration) hmanga neih tir niin, heng dawr ah te hian plastic bag, container, no, thleng leh plastic atanga siam eng chi pawh ( Plastic Waste Management Rules, 2016) in a khap te hman, kawl leh hralh chhuah te ti lo turin leh, endikna neih hunah man an nih chuan Lunglei Plastic Waste Management Bye-Laws, 2023 behchhana lei chawi an inhuam tih an intiam tir a,dan bawhchhiate lei chawi zat tur te hrilh hriat nghal an ni bawk.

Vawiin inspection ah hian dawr 51 te endik an ni a, Inspection Team-ah hian DLAO, DC, DUDO, DRDO, Police, PHE, BDO leh I&PR Department te an tel a ni.