1094//2023-2024

Mamit 11st July, 2023 : Vawiin khan DC Conference Hall, Mamit-ah Pu V.L. Remliana, Chairman TSG, Green-Ag Project/District Bawrhsap kaihruaina-in Technical Support Group (TSG) thutkhawm vawi -6 na neih a ni.

Vawiin Meeting-ah hian Green-Ag Project hnuaia hmalakna hrang hrangte tarlan a ni a, he project hnuaia hmalakna turin a huam chin khaw hrang hrangah hmala tura ruahmanna siam a ni a, Line Department dangte nena thawhho dan tur sawiho a ni bawk.

Pu T. Lalhmingmawia, Member Secretary TSG/ District Agriculture Officer, Mamit chuan Project chungchang sawizauna a nei a, Pi C. Lalnuntluangi, Gender & Social Inclusion Experts-in a lem nen hmalakna hrang hrangte tarlangin, Pu Kenny Vanlalhriatpuia, State Technical Co-ordinator, Green-Ag Project chuan lawmthusawina a nei bawk.

Green-Ag Project hnuaia hmalakna hi India ram State 5 -ah kalpui mek niin, Mizoramah Lunglei leh Mamit District hnuaia khaw 38 tuam mek a ni a. Green - Ag Project hnuaia hmalakna atan hian Mamit District chhungah khaw 25 thlanchhuah a ni a, heng khaw 25 atang hian khaw 13-ah hmalak lehzualna tur thlanchhuah a ni bawk.

Vawiin Meeting-ah hian Mamit District chhunga Line Department-te leh Green-Ag Project Staff-te an tel a ni.