Lunglei DC Pu K. Lalrohlua kaihhruaiin vawiin chawhnu khan a pisaah District Level Maternal and Child Death Review neih a ni.

He meeting-ah hian kum 2016-17 chhunga Lunglei District-a nausen piang hlim leh nu nau chunga thihna thleng te chipchiar zawka a thlen chhan leh a thlen nawn loh nana hma lak dan tur te thlirho a ni a. Blood bank-ah te mamawh khawp thisen a awm theih nan voluntary blood donation chungchangah awareness neih nise an ti a. Nau pai mek ten mithiamte rawn uar tura an duh thu leh hriselna ngai pawimawh tura mipui tana awareness buatsaih tha an tih thu te an sawi a ni.

Kum 2016-17 chhung khan Lunglei District-ah nausen pianghlim thi 4 leh nu nau chunga thi 2 an awm a. He meeting-ah hian Health Department atanga doctor engemaw zat an tel bakah chhiatna tawk chhungte atangin an tel a ni.